歷年樂壇新人蒸發實錄 (1989-2005)

给大家做个reference啦！
原帖还在不断补充中。大家有兴趣可以click上去睇睇咖。

1989
王菲 - 停工生女，去年為兔唇女兒成立「嫣然天使基金」，親自唱主題曲《愛笑的天使》，係咁多。
關淑怡 - 曾退隱數年，06年開復出演唱會及出碟，07年有新歌《眾生花》及《同事三分親》片尾曲。
王傑 - 最近返大陸出碟，繼續鬧英皇。
蘇永康 - 於台灣被判藏毒罪成後，冇碟出，到大陸拍劇為主。
彭家麗 - 做唱歌老師。簽左新經理人約，遲d安排拍劇及出碟。
寶佩如 - 撞車毀容，去年復出演電視。
麥偉豪 - 下落不明。
陳德彰 - 2年前曾演佛教音樂劇。
李健達 - 曾和鄭敬基組成李鄭屋村；做幕後，肥咗好多，時時去cali都會見到佢，特別係step class。
陳思彤 - 有首《厭倦》，下落不明。
蔡齡齡 - 下嫁監製馮鏡輝後，連DJ也沒做。
梅愛芳 - 已故。
黃翊 - 做唱歌老師。同atv前藝員陳存正結緍生仔，響大埔熟食大排檔有兩個鋪炒小菜。有人見過他和老婆在黃金海岸租車仔檔，賣自己造的閃石t-shirt。
譚耀文 - 最後一次出碟是《縱橫四海》時期，現拍劇為主，間中唱主題曲~ 隔一年左右就有隻，新果隻同阿嬌合唱。
浮世繪 - 解散，梁翹柏做監製，曾推出個人碟，創舉係新光劇院開Show；劉志遠到台灣幕後發展，間中監製和編曲，與李麗蕊結婚。
鄭瑞芬 - 曾主持婦女節目，嫁人後唱福音歌為主，育有一女。
林楚麒 - 以未亡人身份在黃家駒喪禮出現後，不知去了哪裡？
文佩玲 - 冇消息。
仇雲峰 - 一碟bye bye，現居於美國 (唔記得LA or SF).. 聽聞就結婚。
林保怡 - 間歇性靠電視劇人氣出碟。
風之Group - 方樹樑做唱片監製，條女係劉韻個女，結咗婚，移埋民，生咗兩個。
Echo - 解散多年，李惠敏改名A. Lee再戰樂壇，區大娣嫁人後拜拜。
Crystal Zone - 主音弗烈係社麗沙細佬，當年《靚妹仔》女主角林碧琪拍完套戲冇耐就係嫁畀弗烈，生埋仔，大仔依家應有廿幾歲，唔知他們現在怎樣。打鼓的是巖秋華，前無線藝員，專演壞鬼青年角色，亦即在《跳飛機》扮怪獸的。

1990
黎明 - 活躍，做埋唱片公司老闆，捧衛蘭衛詩。
鄭秀文 - 收埋多時，最近出新歌，就快開演唱會。
彭羚 - 安心做林太，老公搏命賺錢，佢唔使做。
吳婉芳 - 嫁入豪門，相夫教子。
陳少偉 - 唔知。
姚志漢 - 一碟bye bye。
袁志偉 - 下落不明。
莫鎮賢 - 開製作公司搞舞台製作及events，去年胞妹因車禍去世，悲痛過後決定重投樂壇，最近以師傅身份捧新男歌手，今年會出英文天碟。
蔣志光 - 演喜劇為主。
劉祖兒 - 冇消息。
戴蘊慧 - 冇嘢做，但會出現於娛樂版，如自殺、離婚等，或老竇戴思聰和鄭嘉穎有合約紛爭，她出來講嘢。
陳雅雯 - 冇見好耐。
蔡濟文 - 肥漲晒，和陳佩珊結婚，在上海開燈飾店。
梁球 - 當年七一有出黎遊行，選過議員。曾為香港盲人會主席，因會內鬥爭被人拉下台，活躍於盲人福利界。
曾航生 - 省港盃歌唱比賽冠軍，做了搖擺天使梁安琪男朋友，一齊選議員參政。現任香港音樂協會副主席及香港藝術學院音樂課程講師。
韋綺姍 - 做唱歌老師，間中開懷舊演唱會。結咗婚，育有至少2個女，都已經讀緊小學。
新青年 - 解散，郭啟華做鄭秀文經理人，入東亞做高層；區新明移民加國 (返咗香港幾個月)。
Face To Face - 吳少芳遇車禍下身癱瘓後解散。

1991
梁漢文 - 活躍，但聲勢下滑，好似話07年結婚。
黎瑞恩 - 02年開告別演唱會，嫁金利來太子爺，生仔為主。
劉小慧 - 做老闆夫人為主，間中和蘇志威以夫妻檔搵銀。
劉錫明 - 被倪震封毒瘤明後到台灣，繼續有劇拍，亦有出國語碟。
袁鳳瑛 - 做唱歌老師。讀咗個兒童心理學文憑(定學位?)，依家在小童群益會教小朋友，聽聞極受家長同小朋友歡迎。
李國祥 - 曾被控藏毒，沒什麼正業，去年出過舊歌重唱發燒碟。
張智霖 - 拍戲拍劇為主，剛為人父。
許秋怡 - 與老公王書麒登台登到去新疆。
周影 - 做過VJ，十年前已經結咗婚，嫁給演藝教書的鬼佬，住在discovery bay，個仔大概七八歲。
黎明詩 - 做過加怡保險sales，嫁咗，間中在ball場出現。
劉漢樂 - 張國榮接班人得獎者，早幾年教書，肥咗，近幾年唔知。
譚又銘 - 下落不明。
劉彩玉 - 家下仍主持《都巿閒情》，嫁咗人，老公係香港壁球代表隊教練蔡玉珅先生。
李美鳳 - 嫁有錢人，唔使做，做過纖體代言人。嫁之前拍過三級片《虐之戀》。
歐陽德勛 - 港台DJ。東京銀座 (旺角嗰個!) 開咗間主打賣二手衫鋪頭；女友係蔡立(兒)。
蔡興麟 - 名字變了電台笑話，人在大陸拍劇，今年亦會出碟 (未知廣東定大陸)。
溫碧霞 - 在大陸拍嘢？
施偉芝 - 杜麗莎親妹，十幾年前因患癌去世...
軟硬天師 - 06年重組，好紅，搵好多。
花生女郎 - 張可頤患病後已好少見。其中一個同80年代rock友/創作人區耀國結婚。另一位頭髮長長的成員蘇美欣(joey)聽聞做office工。
民藝復興 - 黃志淙剛出了書，其他人不知。
Purple Heart - 白嘉倩做瘦身代言人，黃偉年做音樂。
Rose Garden - 下落不明。
劉文娟 - 主持了幾年《城巿追擊》，嫁了並移民加拿大。

1992
郭富城 - 活躍，但拍戲好過。
鄭伊健 - 活躍，好似冇碟出。
黃耀明 - 活躍，開埋唱片label，捧自己捧新人。
葉玉卿 - 嫁去美國，年年上《明周》封面晒全家福。
李樂詩 - 06年宣佈和杜德智分手，做騷表演為主。
張衛健 - 拍大陸劇為主，05年無聲無息出過碟。
湯寶如 - 拍過瘦身廣告，冇乜影。
梁雁翎 - 結咗婚，06年亦有在大陸出碟。
唐韋琪 - 繼續做兒童節目。
鄭梓浩 - 在新西蘭教唱歌，當了出色髮型師。
何寶生 - 已出家。
黎允文 - 做電影配樂和舞台劇音樂總監(06年作品：w創作社的《Empty》) 。
陸家俊 - 曾被唱片公司封為香港林志穎，名字變了電台笑話。年前改名陸銘亨，在TVB拍過套劇，後解約，發胖後做回寫字樓工。
李家明 - 消失。
劉以達與夢 - 劉以達06年和內地女新人組成「達與璐」，公開批評黃耀明及商台惹新聞。夢不知所蹤。
何詠琳 - 蒸發。
許子聰 - 蒸發。
豹小子 - 蒸發。
何婉盈 - 錄音室大碟也走音，唱歌是她一生的錯，現為馬會公關。
劉玉翠 - 曾奪電影金像獎最佳新人，唱歌被喻為葉德嫻接班人，可惜發展平平；現於TVB演閒角。

1993
莫文蔚 - 活躍。
鄭嘉穎 - 棒球小子，消失樂壇多年，獲TVB力捧，唱主題曲出碟/拜劉家昌為師。
黎姿 - 消失樂壇多年，靠電視劇人氣唱吓主題曲。
馬浚偉 - 疊埋心水拍劇。
莫少聰 - 驚嚇一碟，返大陸。
林俊賢 - 另一驚嚇，聽聞九龍城有一舖。
車沅沅 - 分別改過名車婉婉、沅沅，拍過胡鬧處境劇，做過星座神婆，現主持電台節目，仲有幫阿媽打理酒樓生意。As per Apple Daily, 剛加盟 BMA。
白嘉倩 - 除了瘦身，唔覺有咩做。
葉蘊儀 - 做過富太，已離婚，自力更生，正職是Moiselle零售經理，間中在藝術中心見到佢，教人做紙黏土公仔。
王馨平 - 嫁商人，去吓ball。
江希文 - 用阿慈新名變身唱作人不成功，轉往中国發展，做show，出碟。
鄒靜 - 冇見好耐。
劉玉翠 - 做TVB綠葉。
袁潔瑩 - 除了豐胸，傳同志緋聞，工作不多。
吳君如 - 活躍，除了在樂壇。
楊采妮 - 拍電影。
Girl Friends - 唔知。
徐鎮東 - 華星一碟新人，當年隻碟在冇人知的情況下推出，現下落不明。
胡越山 - TVB靚仔青年大使，和江欣燕做青年節目多年，出廣東碟失敗後曾轉戰台灣，現好似話做酒店。

1994
古巨基 - 活躍。
張崇基張崇德 - 活躍，出天碟、開騷、開音樂學校，張崇基最近擔任TVB Music音樂拓展經理。
李惠敏 - 消失多年，07年改名A. Lee再戰樂壇。
吳倩蓮 - 拍內地劇，被認錯林憶蓮，將於今年出嫁。
張玉珊 - 修身堂集團主席。
曹永廉 - 處境劇摺埋，繼續拍劇。和姜大衛大女拍拖幾年，現同居中，有結婚打算。
海俊傑 - 在亞視拍劇被指鹹豬手，俾人影到有老婆有女。
趙學而 - 做完胡鬧劇好耐，黃Wyman搵佢唱《最佳位置》，最近和林一峰做舞台劇。
范振鋒 - 與梁奕倫組成Double R.，活躍過一排，跳槽新城後又靜晒。
陳山葱 - TVB大配角。
孫耀威 - 返大陸拍劇，間中拖阿唔知邊個阿妹出嚟拍拖，亦曾在亞視拍過劇，佢自己有間bar。04定05年出過新曲+精選，簽了正東，06年以演出正東10周年音樂會，最新力作係被feat.的溫拿《Star on 33》。
區紹偉 - 嘩，百變金剛我記得，去年在倫永亮演唱會表演斷背歌舞。
洪楗華 - 幾靚仔，一曲《你失戀我悲傷》在K場紅過，道聽途說都係去教唱歌...(似乎任何人做過歌手都可以教唱歌?)
鍾嘉興 - 毫無印象。
黎瑞蓮 - 消失冇影。
劉雅麗 - 繼續做舞台劇。
李莉莉 - 嫁了去深圳，又離婚，06年出現番。
陳奕 - 去咗學造衫和做化妝師，曾經出過一本關於新娘化妝打扮的書。
李麗珍 - 傳咗單大鑊新聞後，拍過部票房仆街戲。
風火海 - 解散，陳小春活躍，謝天華拍劇，朱永棠從商。
CD Voice - 成員譚溢康由外地返港 (Coby) 在音樂農莊教兒童音樂班，十分成功，有時晌cali見到佢。另一個好似返去幫老豆打理生意。
NC Girls (陳海恆、林寄韻、丘凱敏) - 陳海恆下落不明，丘凱敏專做TVB大型節目司儀。林寄韻曾經做過《amy》雜誌beauty consultant，後來走去《新假x》應徵旅遊記者但冇下文。
Anodize - 解散後部份成員組成LMF，LMF也停產了。
陳雅倫 - 曾拍三級片及露三點寫真，名曲《隨便坐》，近年回歸影壇拍杜琪峰電影。
李婉華 - 劉以達監製唱片，全碟歌名是電影名字 (早過Shine或楊千嬅好多)，但歌喉奇爛，《藍》是史上唱得最衰的一首好歌；現定居溫哥華，結了婚生了女兒，在當地中文電台開咪做DJ。

1995
陳慧琳 - 活躍。
李玟 - 活躍，宣佈07年出廣東碟。
郭晉安 - 憑阿旺走紅，唱吓主題曲。
羅敏莊 - 出發燒碟，拍劇。
陳建穎 - 改名陳紀匡，06年出了一張碟《記得我名字》，有鬼人記得咩？
陳浩民 - 拍劇，在大陸有出碟。
馬怡靜 - 唱吓靚聲碟/靚聲騷。
伍詠薇 - 拍劇。
陳曉東 - 返大陸拍劇多年，現為內地拍劇最高薪酬男藝人，成日話回歸香港。
唐文龍 - 返大陸拍劇。
黃秋生 - 專心拍戲，冇唱歌了。
鍾漢良 - 曾轉戰台灣樂壇，在內地拍劇為主。
馮博娟 - 主打歌《愛得太天真》，同容祖兒d歌差唔多，懶傷感咁，現下落不明。
林帆 - 主打歌《仍感激相愛了一年》，去咗邊？
林嘉欣 - 做台灣玉女失敗，與經理人張洪量鬧翻，來港拍戲，出過唱片唔掂，都係專心拍戲。
李俊傑 - 全無印象。
劉諾生 - 做音樂。
康賢 - 用自己名去做pt，先加入旺角cali，之後調咗去中環，後來同幾個pt自立門戶，晌中環開咗一個gym,專做personal training，亦曾經晌做pt時被發掘去咗影結婚廣告。
何偉圖 - 全無印象。
戴恩玲 - 嫁咗人，住半山，生咗兩個。
伍婉琛 - 本為落選港姐，傳佢俾人包。
王翠玲 - 最近TVB套《雪影移城》有佢... 佢好耐之前同黃秋生拍過一套叫《伊波拉病毒》既戲... 之後去左吉隆坡工作... 名曲有《簡簡單單》。
甄蕙文 - 阿太玩票啫，可以不理。
幕後玩家 - 解散，主音羅金榮之後出過2-3隻碟，早排跟黃子華搵食，做佢幕後，《男親女愛》主題曲係佢作的，仲有見於89268合輯；陳頌紅轉了做愛情小說作家，筆名寧靜，簽俾天地，出咗over十本小說。
天織堂 - 創作大腦黎允文獨立做音樂，條女下落不明。
Black Box - Clayton組成宇宙大爆炸，活躍創作；林健華嘛係周國賢老闆，活躍創作，間中見到佢作既曲，06年出的《自作自樂》專輯有收錄林健華自己唱返既demo。另外做唱片監製，製作過周國賢和徒弟張繼聰的專輯。
Art Gallery - 下落不明。
Twilight - 全無印象。
Zen - 最近新聞是主音黃和興結婚。黃和興同鄧明輝另組樂隊「九紫」，屬葉世榮旗下，2007年會在大陸出碟。成員「琛」在英皇工作，未知是否已離職。
Summer Grace - 執笠。
Virus - 主腦Seasons Lee先兩年仲有出碟。
邱穎欣 - 《打開天空》四人之一，另外三個是三陳 (慧琳、曉東、建穎)；有錢女，出碟後繼續留學，回港後曾出現於ball場。
何偉圖 - 當年佢係細路一名(好似小四)，幫亞視《肥貓正傳》唱主題曲，同寶佩如合唱。

1996
陳奕迅 - 活躍。
楊千嬅 - 活躍。
鄭中基 - 活躍。
梁詠琪 - 活躍。
何超儀 - 改名何超，06年有出碟。
朱茵 - 拍大陸劇為主，幾年沒有自資出碟了。
曾仕賢 - 港台沒續約。去了商台製作，改名叫papaja，也有教滑水。
Jackal's Dream - 商台捧過呢隊嘢，隻碟叫《積高的夢》，唱腔懶洋洋。
蔣卓樂 - 曾被喻為香港Bjork，笑死。
羅堅 - 做電影配樂，最近作品是《雙子神偷》。
蔡安蕎 - 曾轉戰台灣樂壇，06年改名蔡依韻，以光大證券副總裁身份在多份報章寫財經專欄。
李中希 - 在TVB做主持。
Black And Blue - 主音盧巧音獨立發展。
邱龍 - 舞蹈員出身，曾在封面露股，下落不明。
陳漢詩 - Jennifer，港台/新城女DJ，減肥後出過一隻碟《還想你》，之後佢有冇番大馬繼續拍劇就唔知，又有傳聞食藥減肥，因而患上精神病。( 有人話 : 唱片廣告中，Jennifer著住婚紗條街度跑~~當時好多人都將注意力放在她如何成功減肥，但其實唱片中的曲和詞全是她自己作品)
胡蓓蔚 - 曾獲樂評讚賞，歌喉有菲feel。出過國語碟，做過深宵及TVB8音樂節目主持，06年和劉浩龍合唱，一首歌咁多。
ER - 二人組合，名曲為《別放棄》，可惜被人放棄。
陳琪 - 曾被移花接木與關淑怡「合唱」《非愛不可》，現不知所蹤，常被誤會係無線大茄陳琪，唔係呢個呀，呢個矮好多。

1997
林海峰 - 活躍。
謝霆鋒 - 活躍，但只限於內地巿場。
陳小春 - 活躍。
沈魚 - 翻版王菲喎，下落不明。
李君筑 - 在商台拿了新人獎，但頒獎禮時已經沒有唱片合約，消失了。
黎駿 - 改咗名去做model，大陸拍劇。
黃浩詩 - 做了會計師，化名Susan Wong出hifi試機碟，仲好賣過容祖兒喎隻蹀。
胡諾言 - TVB藝員。
余力機構 - 陳輝陽活躍，其他唔知。
姚琇齡 - 扮菲腔的《狡辯》深夜hit過吓，後來改名姚安娜，做過兒童節目，又轉做塔羅神婆。
丘采樺 - 同姚琇齡出《2 in 1》合出一碟，而家返咗去大馬做雜誌。
紀炎炎 - 改名紀如璟，在內地出碟。
朱潔儀 - 只見她賣菲傭廣告，新作係拜楊貫一為師學煮鮑魚。
袁詠儀 - 專心做媽咪/拍戲。
宣萱 - 拍劇，附帶唱主題曲。
譚小環 - 拍劇，傳聞要嫁。
Dry - 解散，雷頌德繼續作歌抄歌，馮德倫拍戲、做導演。
Tequila - 唔知乜水。
T&T - 傳女主音謝凱珊係奪edison處男身的人，之後好似無做番model，從商。

1998
盧巧音 - 短休，有新歌免費下載。
葉佩雯 - 久休，去年出番嚟，變了rock girl。
何嘉莉 - 改名何俐恩，嫁糖水鋪老闆，退出。
吳啟華 - 食住《妙手仁心》條水，出了2張碟，以程至美作筆名參與填詞。現專心拍劇，最近和內地女子結埋婚。
劉愷威 - 過亞視半浮半沉。

1999
容祖兒 - 活躍。
張柏芝 - 大緊肚，有排唔會唱歌做戲。
Snowman - 改名Swing後又解散，又離又合又活躍番。
何潤東 - 在大陸拍劇為主，憑人氣最近出碟。
恭碩良 - 今年和小交開音樂會，去年在Alive《四大天王》中呻做歌手慘況。
林曉培 - 據聞冇碟出，經濟出了問題。
戴威葳 - 戴思聰細女，曾在台灣樂壇出道，02年改名戴辛尉回流香港，現轉戰內地出碟。
星盒子Boxx - 曾在台灣樂壇出道，02年回流香港出碟，現已解散。徐繼宗轉戰幕後，區永權擔任有線娛樂台節目主持，陳鳳單飛出碟。
張茵 - 做過MP4主音，浮浮沉沉又消失，維基百科話佢去咗紐約發展。
有耳非文 - 晚上在903和空中喱民做節目，節目已改名為《有耳喱民》。
活希兒 - 扮hello kitty唱歌扮到冇晒觀眾緣，樂壇失意後去悉尼讀arts。
林心如 - TVB女新人銅獎。
趙薇 - 在內地樂壇都仲企得住。

2000
陳冠希 - 活躍，開公司做CEO捧新人。
古天樂 - 專心拍戲，慳番啖氣暖肚。
李彩樺 - 用番真名李彩華，拍廣告拍戲，去年出過碟。
丁菲飛 - 3年前和Secret Garden合作過，近況不詳，妹妹丁薇就有碟出。
彭海桐 - 被揭黑工身份，嫁音樂人周初晨間中做幕後。
小雪 - 嫁人後老公去滾，最近抱住個女出番來。
漢洋 - 返大陸發展，06年以悼念張國榮作品《哥哥》原作者身份在4.1活動獻唱。
張家輝 - 拍戲。
陳慧珊 - 拍劇、再婚、再拍劇。
B2 - 散band。聽聞今年會響台灣再出碟！
李思捷 - 拍劇。
VRF - 散咗好耐，丁子高做公關，新作係同陳豪爭女。
盧雪蓮 - 小室徒弟Celina，出咗一張single之後繼續學業，而家下落未明。
譚凱琪 - 小室徒弟Zoie，最近又因為丁子高同廖碧兒的緋聞又俾人拎番出嚟，而家仲有婚禮書會用她的相做廣告，最近幫cable拍《活得很滋味》，周圍去飲飲食食擺下pose。
古倩敏 - 好似改左名做古月定唔知咩，有再出過碟，不過家下都係唔見咗。
康淨淳 - 唔知乜水。
On-line - 夾過Ping Pung又消失？
鄧昊天 - 名曲《衣架》，推出首張EP後2個月，因工作態度欠佳，被經理人雪藏，雪足10年，不准解約及另找工作，要找涂謹申議員及法援處求助，歌手壽命只維持2個月，成為史上壽命最短歌手。改名鄧展驊(定「華」？)，05年出現於CASH流行曲創作比賽。
江華 - 好驚，好似連劇也少拍了。
張德豪 - 《黑客》一碟摺埋，老竇開的創藝karaoke也執了。最近以網絡歌手身份再戰樂壇，今年話出碟。最令人記得的事件，是當年公開表示暗戀容祖兒，引起哄動，全城狂插。幾年後二人於同一場合再碰頭，傳媒依然有拎呢件事出來講。
北極 - 部份太極成員玩票性質的band，各散東西。　
蔣嘉瑩 - 亞視殭屍劇主題曲《約會》，隻碟賣20蚊都冇人要。好似去左留學，唱片公司執笠後失蹤。
尹子維 - 曾在台灣樂壇出道，05年組成ALIVE，後解散，現以去蒲和拍戲為主。
3P - 少爺占另組野仔/I Love You Boyz；茜利妹被商台炒魷後出書、嫁人、離婚；林二汶另組at17；泰山跟蘇施黃做商台；林一峰單飛；維他命M？？？
陳敏之 - 翻版陳慧琳，掛名係小室徒弟，現在是無線姐仔，06年TVB隻碟唱咗一首歌咁多。

2001
Twins - 活躍。
何韻詩 - 活躍。
方力申 - 活躍。
王喜 - 拍劇。
周永恆 - 藏毒後守行為仍打架，同女友阿Yu一齊消失。兩人分咗手，話佢而家做車房同教人彈吉他。
張燊悅 - 轉做OL，在礦泉水公司做推廣。
陳文媛 - 專心拍拖等嫁。
陳司翰 - 返大陸拍劇。唔知舊年定前年俾狗仔隊影到佢在跑馬地當街當巷同條女爭執，手口並用。
鄧健泓 - 話簽新公司出碟，唔係好覺有出。
黃伊汶 - 轉戰內地做打女拍劇，揚言會再出碟 (睇下阿媽俾唔俾錢啦) 。
王秀琳 - 返內地拍劇。
何美玲 - 出過一張EP咁大把，主打歌為啤酒廣告歌，其他嘢全無印象。
孫鳳鳴 - 在澳門 (!!) 發展的本土歌手，現在她是否有出碟冇人知。
傅天穎 - 去台灣嫁奀星。
傅珮嘉 - 早於2000年以高雪嵐名字出道，後改名攻台再回港做唱作女生；現keep住寫blog，連結出現在BMA網頁，但列在出版社部門旗下。有傳聞佢係周麗淇出果本書的幕後槍手，亦會自己出書。剛有新歌，和葉宇澄合唱《亂世兒女》，做埋vocal producer，應該會收錄響方樹樑即將推出的合輯入面。
Dragon 5 - 全無印象。
臨記 - 成員謝文偉自學武功，仲將自己既練武片放過上youtube，曾經接受便利訪問。
梁浩賢 - 06年出過一首新歌咁大把，跟住又再連影都無。
周英杰 - 英皇新人，當年號稱碩士新人,但係出咗一首歌咁大把就被雪，現轉行當律師，跟名律師清洪搵食。
鍾兆康 - 英皇超新星冠軍，曾有巴士大頭廣告，但未出過個人唱片，現轉戰台灣拍劇。
張佳佳 - 英皇超新星亞軍，曾是楊生新寵，和鍾兆康一齊有巴士大頭廣告，但未出過個人唱片就搭上有錢仔而遭公司放棄，現下落不明。
陸東城 - 英皇超新星，未出過個人唱片就拜拜。
謝秉漢 - 英皇超新星，03年轉投AEG新亞洲娛樂(前名稻草人製作)，改名謝曜仲轉往台灣拍劇。04年曾同湯鈞禧、楊季霖、曾韋橋組成4U，主演台劇《我的明星仔男友》並灌錄其原聲大碟。目前以台灣、內地市場為主。
袁耀發 - 稻草人兵團六新人之一，曾轉戰台灣樂壇，現在內地出碟為主，06年傳出做咗許美靜、陳佳明夫婦第三者，引致許美靜發癲。
鍾汶 - 稻草人兵團六新人之一，曾轉戰台灣樂壇，現在內地出碟為主。
湯鈞禧 - 稻草人兵團六新人之一，曾轉戰台灣，現在台灣、內地拍劇為主。
李奇駱 - 稻草人兵團六新人之一，曾轉戰台灣樂壇，現在內地拍劇為主。
陳曉淇 - 稻草人兵團六新人之一，曾轉戰台灣樂壇，現在內地拍劇為主。
江彬 - 稻草人兵團六新人之一，一碟bye bye，現於內地拍劇為主。
農夫 - Hip Hop組合，現仍活躍。
葉文輝 - 好紅好多fans (只限於新城)。
歐倩怡 - 華星執笠後即冇得做歌星，現做旺嫂、主力製造小生命、得閒先拍劇。
張如城 - 亞洲神童，十三歲中二學生自資出碟，惹來全城訕笑，02年演出《香港鬆一鬆》後消失，現居於黃大仙。
高晨維 - Sony奀新人，曾改篇平井堅的《Why?》做主打(名為《起飛》)，曾作大聯盟卡啦OK試唱...樣子貌似許冠文女兒...現下落不明...

2002
關心妍 - 活躍。
鄭希怡 - 活躍。
麥浚龍 - 活躍。
EO2 - 活躍。
Cookies - 9變4再解散，最後4餅仍活躍，只有2人出過個人碟。仲有餅碎angela去左做港台DJ，經常見報。
Shine - 07年解散，天佑專心拍戲，又南留在華納。
余文樂 - 拍戲多，07 年佢話一定出碟。
蕭正楠 - 雪雪雪後返大陸拍劇。
谷祖琳 - 轉完公司後消失於樂壇，做電台、拍戲、演舞台劇。
陳見飛 - 在澳門被控藏毒後消失。
李蘢怡 - 一味露。
趙頌茹 - 轉行做記者，在柴灣返工。(聞說被雜誌炒了？)
陳思慧 - 簽了林嘉欣同公司，家下仲間中有詞作發表，但唔係自己唱喇，慘。
胡彥斌 - 留在大陸。
3T - 英皇3條女合出一碟，非正式組合，鄭希怡、蔣雅文先後出碟，獨欠劉思惠。
E-kids - 解散，成員阮民安因賭欠下十多萬賭債。
方皓玟 - 曾在台灣樂壇出道，06年回流香港後推出《歡迎光臨》一碟。
張鎧潼 - 出道時有個勁朵「馬拉天使」，04年用回本名張佩金，在內地發生車禍後推出《Life Fighter》一碟。
陳啟泰 - 《百萬富翁》令他賺了 (不止) 一百萬，也令他做了一碟歌手。
張詠詩 - StarEast新人Sisi，和EO2及E-Kids出《魅力移動》大碟，現在做全職Dancer。

2003
吳浩康 - 藏毒後，06年仍吊住命有出碟。
張敬軒 - 活躍。
林一峰 - 活躍。
鄭融 - 活躍。
李逸朗 - 活躍。
AT 17 - 活躍。
BOY'Z - 2變3加1，現名SUN BOY'Z，仲扮緊新人。
2R - Rosanne剃頭演舞台劇。因合約問題，唔知仲有冇碟出。現於華娛衛視主持潮流節目《2R部落格》，收視不錯。
陳驊 - Body music好噱頭，轉做幕後，之前We Wa都有佢。
林子良 - 台灣唱作歌手，出道時標榜曲詞編唱一手包辦，曲風如主打名字一樣，《天馬行空》。而家唔知去咗邊。
王蓉 - 在內地繼續做創作歌手。
黃馨 - 冇聲氣。
嘉琳 - 有響903開下mic，仲有響HKU SPACE教副學士sociology 。
SKY - 下落不明。
CHEERS - 其中一個成員張景淳，近排做咗TVBeople。
3G - 香港滾石離港前最後一擊，一碟後解散分開搵食。Vonnie雷凱欣行性感，與另一水著女王榕曾被傳組成女子組合Sexy Dolls，英皇出品，Crystal梁寶琪拍廣告，Rie呂盈盈消失。
吳展濠 - 周啟生徒弟，隧道口曾有大廣告，只記得歌名《籃孩子》，mv好像是在打籃球。

2004
薛凱琪 - 活躍。
周國賢 - 活躍，夾band。
劉浩龍 - 活躍。
藍奕邦 - 活躍。
官恩娜 - 活躍。
房祖名 - 拍戲多，06年冇出碟。
陳苑淇 - 活躍，只限於見報，佢間唱片公司都收咗檔了。
鄧穎芝 - 活躍，只限於見報，仲要係孖住EO2先有得見。
吳日言 - 06年冇出碟，07年新碟有人山人海做。
戴夢夢 - 睇Roadshow啦。
梁洛施 - 拍戲多，06年被雪藏，做了葡萄牙影后。
徐偉賢 - 有繼續作曲，幕前就唔覺有影。
歐得洋 - 星馬歌手，就出第三張碟。
Bliss - 解散。聽講話Oscar 會獨立發展。
Ping Pung - 話出碟架喎~
女生宿舍 - 解散，Toby, Macy, Elise同埋Bella，Toby梁靖琪個人發展。Macy做Roadshow（不過依家都無乜點見佢），Elise做舞台劇（今年香港藝術節個套留著愛，地鐵站見到廣告），Bella就真係唔知去左邊。
范姜明月@涉谷縱橫 - 曾被形容為曾志偉情婦。
董敏莉 - 無碟出，06年專心拍劇，07年佢話一定出碟。
吳彤 - 07年出了新碟，勁歌頒獎禮後開始有人識，近作係TVB日播夜播的兒歌。
Cream - 算活躍，李蘊就嚟要出庭頂證《壹本便利》。
I Love You Boyz - 活躍。

2005
衛蘭 - 活躍。
謝安琪 - 暫休生仔。
方大同 - 活躍。
側田 - 活躍。
關智斌 - 活躍。
張繼聰 - 活躍。
王菀之 - 活躍。
周麗淇 - 活躍。
Soler - 與經理人不和，06年靜晒。07年出現番，話會自資出碟。
葉宇澄 - 06年有出碟，但好靜。
蔣雅文 - 活躍。
kellyjackie - 06年冇新動作，專心學業？
劉日曦 - 轉做配樂，去年被控藏有可卡因罪成，仲幫g magazine除衫拉低短牛露毛拍艷照，與唱片公司解約，退出兼返咗美國。
應昌佑 - 06年冇出碟。
Krutsty - 06年冇碟出。
林苑 - 06年冇出碟。
梁靖琪 - 拍劇為主。
廖雋嘉 - 07年與高皓正、細So演舞台劇《留著愛》。
賈立怡 - 內地發展為主。
藍強 - 西人唱中文歌，近況不詳。
Alive - 組成後提供歌曲下載，並自製新歌外洩及內訌新聞，原來是為了拍吳彥祖執導的諷刺樂壇之半紀錄片《四大天王》，電影上映後已停止活動。
紀利 - 薛家燕發掘的混血兒女新人，下落不明。
Pixeltoy - 活躍。
蔡汶家 - 阿y，出過一隻碟，之後消失。
郭力行 - 和洪欣姐弟戀後分手，06年簽了EO2間公司，年尾出了第二隻碟，但冇人知。
高潮樂隊 - 林祥棍隊嘢，王榕後尾又加入又退出，而家仲響度懶rock。

社区热贴排行

法律声明：未经许可，任何模仿本站模板、转载本站内容等行为者，本站保留追究其法律责任的权利！

歷年樂壇新人蒸發實錄 (1989-2005)

最新娱乐 Latest NEWS

相关文章 Relative NEWS

社区热贴排行